12 წლის მანძილზე ძებნილი საზღვაო ძალების ყოფილი სარდლის ყოფილი მოადგილე ვიქტორ ჭელიძე თავისუფალია. მას ბრალად ედებოდა თანამდებობრივი უფლებამოსილების გადამეტება, სახელმწიფო ქონების დაზიანება, თანხების მითვისება-გაფლანგვა. პატიმრობიდან გათავისუფლებული ვიქტორ ჭელიძე გაზეთ"კვირის პალიტრას" ვრცელ ინტერვიუს აძლევს და აქამდე უცნობ დეტალებზე საუბრობს. ჭელიძე მიხეილ სააკაშვილის იმ ბრძანების შესახებ საუბრობს, რომელიც მას ყოფილმა პრეზიდენტმა 2004 წელს, გემის ჩაძირვასთან დაკავშირებით მისცა:
"2004 წელს სააკაშვილმა მე და ზურა ირემაძეს დაგვავალა ასლან აბაშიძის დაპატიმრება და ჯარის შეყვანა აჭარაში, რაც არ გავაკეთეთ... მერე ზურა დაიბარა და უთხრა, სოხუმიდან მოდის გემი, რომელშიც სხედან ჟირინოვსკი და ლუჟკოვი, ეს გემი უნდა ჩაძიროთო. არც ეს გავაკეთეთ. ამ ამბიდან ორ დღეში ზურა გაურკვეველ ვითარებაში გარდაიცვალა. მას არ ჩაუტარდა ექსპერტიზა, არ გამოიკვლიეს მიზეზი, არც მე დამკითხეს".
კითხვაზე, თუ რისთვის სჭირდებოდა სააკაშვილს გემის ჩაძირვა, ვიქტორ ჭელიძე პასუხობს:
"მას სიტუაციის პროვოცირება სჭირდებოდა, რაც 2004 წელს ვერ მოახერხა, ის 2008-ში მოხდა",- აცხადებს ჭელიძე "კვირის პალიტრასთან" ინტერვიუში.
წყარო
