იუსტიციის მინისტრ თეა წულუკიანს მთავრობამ სტრასბურგში საქართველოს ელჩის თანამდებობა შესთავაზა, თუმცა წულუკიანმა საპასუხოდ მთავრობას ულტიმატუმი წაუყენა.ამის შესახებ Front News-ს ინფორმირებულმა წყარომ აცნობა, რომლის ინფორმაციით, თეა წულუკიანის თანამდებობიდან გათავისუფლების საკითხი დღის წესრიგში მას შემდეგ დადგა, რაც სტრასბურგის სასამართლომ "რუსთავი 2"-ის საქმეზე აღსრულების შეჩერებაზე გადაწყვეტილება გამოიტანა.წყაროს ცნობით, წულუკიანმა საპასუხოდ მთავრობას ულტიმატუმი წაუყენა, რომ იმ შემთხვევაში, თუ მას თანამდებობიდან გაათავისუფლებენ, თბილისის მერობის დამოუკიდებელი კანდიდატი იქნება. როგორც წყარო აცხადებს, წულუკიანის ამ ულტიმატუმს მთავრობაში სერიოზული მსჯელობა მოყვა და საბოლოოდ მაინც მიღებულია გადაწყვეტილება, რომ მას დეკრეტული შვებულების დასრულების შემდეგ თანამდებობიდან გადააყენებენ.
