ბათუმელი თენგო ბოჭორიშვილი სოციალურ ქსელში ეხმაურება წუხანდელ მოვლენებს და წერს, როგორ დაიწყო ყველაფერი: „ამ აქციის დასაწყისს შევესწარი, სრულიად სამართლიანად დააჯარიმა პატრულმა პლაზასთან "ნაგლად" მდგომი მანქანის მძღოლი, რომელიც გადმოხტა მანქანიდან და ჩამოთრეულები ეძახა პატრულს, ამ კაცს შეურთდნენ იქ გაჩერებული "მარშუტკის" მძღოლები, რომლებიც ამ ბოლო დროს თავის ჭკუაზე ვერ აჩერებენ ყველა კუთხეში და პატრულზე სცადეს თავდასხმა. აი ასე ატყდა იქ ჩოჩქოლი და ამბავი, ამ პროტესტის დაწყების მიზეზიც უსინდისო იყო და გაგრძელება კიდევ ამზრზენი. პ.ს. ალბათ ბათუმელები დამეთანხმებიან, რომ ბოლო პერიოდში ქალაქში მოძრაობა გამოსწორდა და საცობებიც შემცირდა სწორედ პატრულის მიერ განხორციელებული ღონისძიებების შემდეგ.“ წერს თენგო ბოჭორიშვილი.
