ახლახანს, “ფოსტალიონს” საპატრიარქოსთან დაახლოებულმა წყარომ აცნობა, რომ პატრიარქმა თავისი პირადი დაცვის უფროსი და მისი მოადგილე სამსახურიდან დაითხოვა. წყაროს ინფორმაციით, პატრიარქი ძალიან გაბრაზებულია ოხანაშვილის მიერ მიქაელ ბოტკოველის მისამართით გაკეთებული განცხადების გამო. როგორც წყარომ გვითხრა, პატრიარქი სავარაუდოდ მიქაელ ბოტკოველის მოთხოვნას გადადგომის შესახებ არ დააკმაყოფილებს. დაცვის უფროსად კი ვანო კობაიძეს დანიშნავს.
შეგახსენებთ, რომ სოსო ოხანაშვილმა ჟურნალისტებთან გაკეთებულ კომენტარში პატრიარქის მდივანს, მიქაელ ბოტკოველს სიცრუეში დასდო ბრალი.
