მიუხედავად იმისა, რომ ახალი რეგულაციებით მედიკამენტები დაიყო კატეგორიებად, სხვადასხვა აფთიაქში თავისუფლად იყიდება მე-2 კატეგორიის წამლები (საჭიროებს რეცეპტს). "სააფთიაქო ნარკომანია" კვლავ აქტუალური პრობლემაა. ახალგაზრდები უპრობლემოდ ყიდულობენ ისეთ წამლებს, რომელიც "კაიფში" ეხმარებათ. სოციალურ ქსელში გავრცელებულ ვიდეოს, რომელიც თავად ატვირთეს ახალგაზრდებმა, ერთმნიშვნელოვნად უარყოფითი შეფასებები მოჰყვა. თუმცა პრობლემა პრობლემად რჩება და თინეიჯერი ბავშვები მაგიტუსის (ხველისა და ანთების საწინააღმდეგო პრეპარატი) და ბაკლოსანის (ფსიქოტროპული) გამოყენებით "აღწევენ შედეგს". ორივე მედიკამენტი გაიცემა ექიმის რეცეპტით.
რეალუად, დღეს ბევრ აფთიაქში არის ხელმისაწვდომი მსგავსი ტიპის წამლები და არავინ არ აკონტროლებს ამას. შესაბამისად კი ხდება ის, რასაც ვიდეოში თავად იხილავთ.
