როგორც „ქრონიკა+“ -ის წყარო ამბობს, რეალურად საკონსტიტუციო კომისიის შექმნის მიზანი არა მხოლოდ პრეზიდენტის ინსტიტუტის გასუსტება და პარლამენტის ადგილმდებარეობის შეცვლაა, არამედ ბევრად უფრო დიდი მასშტაბის ცვლილებების მზადდება და ეს ცვლილებები ქვეყნისთვის დიდ სტრატეგიად შეიძლება გადაიქცეს. რამდენიმე თვის წინ გალის რაიონი რუსეთმა მთლიანად სამხედრო ქალაქად გამოაცხადა. ენგურის ხიდზე ყველა გადასასვლელი ეტაპობრივად ჩაკეტა. რუსეთის ამ ქმედებებს საქართველოს ხელისუფლების მხრიდან არც პროტესტი და არც სხვა უფრო ქმედითი ღონისძიებები არ მოჰყოლია. ოკუპირებული აფხაზეთის და სამაჩაბლოს ტერიტორიები რუსეთმა დამოუკიდებელ სახელმწიფოებად უკვე აღიარა და მისივე პატრონაჟის ქვეშ აიყვანა. აფხაზეთი მთლიანად რუსეთის დუმის დეპუტატსა და ფრაქცია „Единная Россия”-ს თავმჯდომარის მოადგილეს ოთარ არშბას ჩააბარეს. ოთარ არშბა პუტინის იდეოლოგიის ალექსანდრე ჭაჭიას უახლოესი მეგობარი და ყოფილი მძახალია. ეთნიკურად აფხაზი და დედით ქართველი არშბა პუტინის ახლო მეგობარია და არც ქართულ პოლიტიკაში ჩარევაზე ამბობს უარს. ბათუმში მისი სასტუმრო პირადად მაშინდელმა პრემიერმა ირაკლი ღარიბაშვილმა გახსნა. იმასაც ამბობენ, რომ პრემიერობიდან გადაყენების შემდეგ სწორედ არშბა იყო ღარიბაშვილის მეკავშირე რუსულ პოლიტიკურ წრეებთან. როცა ყოფილი პრემიერი ახალი პოლიტიკური პარტიის შექმნას აპირებდა, მაგრამ მისი ეს გეგმები ჯერჯერობით განუხორციელებელი დარჩა.ოცნების ხელისუფლების რბილმა პოლიტიკამ და რუსეთისადმი ლოიალობამ ოკუპაციას კანონის გაუქმებაზე ხმამაღალმა საუბრებმა რუსეთის მოთხოვნები ბევრად უფრო მასშტაბური გახადა. „ქრონიკა+“ ის წყაროს ინფორმაციით საკონსტიტუციო კომისიის მუშაობისას ერთ-ერთი ყველაზე მნიშვნელოვანი საკითხი სწორედ ქვეყნის ტერიტორიული მოწყობის თემა იქნება და მძაფრი დისკუსია სწორედ ქვეყნის ტერიტორიული ერთეულების სტატუსის ირგვლივ გაიმართება. როგორც ჩვენი წყარო გვეუბნება, რუსეთის საბოლოო მოთხოვნა აფხაზეთის და სამაჩაბლოს აღიარებაა, მაგრამ რა კი საქართველოში ჯერ კიდევ არსებობს მცირე საპროტესტო მუხტი ხელისუფლება პირდაპირ ამ დათმობაზე ვერ მიდის. სწორედ ამიტომ განიხილება საკონსტიტუციო კომისიის მიერ ე.წ. რბილი ვარიანტის შემოთავაზება, რომ კონსტიტუციაში ჩანაწერი გაჩნდეს აფხაზეთის კონფედერაციის თაობაზე. ეს იქნება ერთგვარი ტესტი და თუ პოლიტიკური ძალები და საზოგადოება ამ ე.წ. რბილ ვარიანტს გაატარებს ამის შემდეგ აფხაზეთის რკინიგზის აღდგენაზე დაიწყება საუბარი. გარკვეული მუშაობა აფხაზეთის კონფედერაციის საკითხის დასმის წინ ფონის შესაქმნელად უკვე მიმდინარეობს. სწორედ ამ მიზანს ემსახურება დევნილთა რიცხვის შემცირებაც. დევნილთა და განსახლების მინისტრმა სოზარ სუბარმა ტყუილად არ დაიწყო საუბარი დევნილებისთვის 45 ლარიანი შემწეობის მოხსნის შესახებ.
წყარო: „ქრონიკა+“
