„ჯორჯიან თაიმსის“ მთავარი რედაქტორი ნანა გაგუა სოციალურ ქსელში 9 აპრილის ხსოვნისთვის შესაფერისი მონუმენტის დადგმის საჭიროებაზე საუბრობს: „მრავალი წლის მანძილზე ერთი ხეირიანი ხელისუფალი მაინც რომ გამოჩენილიყო ქართული პოლიტიკის კაბადონზე, დღეს ტიტა-ვარდებით ხელდამშვენებულები და ოპერატორების გარემოცვაში ჩაფლულები 9 აპრილის დღის ხსოვნისადმი მიძღვნილ მონუმენტთან მივიდოდნენ და არა უსახურ ვითომდა მემორიალურ ''ჯიხურთან'', რომელიც ავადსახსენებელ ღამეს გვახსენებს! რას ემსახურება და რისთვისაა ის რაღაც ნაგებობა 9 აპრილის ტრაგედიის ადგილზე, ბევრი მიფიქრია და პასუხი არ მაქვს.... გმირების ხსოვნა ბევრად მეტს იმსახურებს, ბევრად თემატურსა და ბევრად შთამბეჭდავს, მაგრამ ამაოდ..... სადაა პატრონი?!“ წერს ნანა გაგუა.
