პოლიციამ 207 დემონსტრანტი დააკავა...

სტამბოლის პოლიციამ, ტაქსიმის მოედანზე 207 დემონსტრანტი დააკავა, - იუწყება სააგენტო „როიტერსი“. პოლიციელებმა დემონსტრანტებს დაახლოებით 40 „მოლოტოვის კოქტეილი“, 17 ხელყუმბარა, 176 ფოიერვერკი და რამდენიმე პლაკატი ჩამოართვეს. სტამბოლში, ტაქსიმის მოედანზე, პოლიციამ საპროტესტო აქციის მონაწილეეების წინააღმდეგ ცრემლსადენი გაზი გამოიყენა. აქცია მშრომელთა საერთაშორისო დღის ფარგლებში ტარდებოდა, მიუხედავად იმისა, რომ ხელისუფლების მიერ აკრძალული იყო. აღსანიშნავია, რომ 24 აპრილს თურქეთის შინაგან საქმეთა მინისტრმა სულეიმან სოილუმ განაცხადა, რომ ტაქსიმის მოედანზე საპირველმაისო ღონისძიებები არ ჩატარდებოდა.

ავტორ(ებ)ი : geotimes.ge