ბელუჩის ცხოვრების სტილი მუშაობაა და სწორედ გადატვირთული სამუშაო დღე ეხმარება ფორმის შენარჩუნებაში. „ძალიან ცდებით თუ გგონიათ, რომ დილის ხუთ საათზე ავდგები, ვივარჯიშებ და მერე გადაღებებზე წავალ“, – ამბობს მსახიობი. თუმცა, მის ცხოვრებაშიც არის პერიოდები, როცა ახალ ფილმში როლის მისაღებად აუცილებელია ზედმეტი კილოგრამებისგან განთავისუფლება. ამგვარი შემთხვევებისთვის იტალიელ ლამაზმანს სპეციალური, შვიდდღიანი დიეტა აქვს შემონახული.
დიეტა მონიკა ბელუჩისგან:
* პირველი დღე – საუზმე: ერთი ჭიქა ყავა, ორი საშუალო ზომის კრეკერი ერთი კოვზი ჯემით. სადილი: ზეითუნის ზეთით შენელებული ბოსტნეულის სალათი, მთელმარცვლოვანი პურის ერთი ნაჭერი, 150 გრამი ხილი ან კენკრა. ვახშამი: სპაგეტი გახეხილი ყველით, ნებისმიერი ხილი ან ბოსტნეული.
* მეორე დღე – საუზმე: იუგურტი და ცოტა ხილი. სადილი: ომლეტი (სამი კვერცხის ცილა, ერთი გული), მოთუშული ყაბაყი, მთელმარცვლოვანი პურის ერთი ნაჭერი. ვახშამი: 120 გრამი უცხიმო მოხარშული ხორცი, ხილის ან ბოსტნეულის სალათი.
* მესამე დღე – საუზმე: ორი ტოსტი, ერთი ჭიქა ჩაი ლიმონით. სადილი: ზეითუნის ზეთით და მწვანილით შენელებული მოხარშული კარტოფილი, უცხიმო ყველი. ვახშამი: სპაგეტი პომიდვრითა და მწვანილით, ხილი.
* მეოთხე დღე – საუზმე: 200 გრამი უცხიმო იოგურტი ერთი სუფრის კოვზი სიმინდის ფანტელით. სადილი: 50 გრამი მოხარშული ბრინჯი, 100 გრამი მოხარშული საქონლის ხორცი, 100 გრამი მოთუშული ყაბაყი, კენკრა. ვახშამი: 150 გრამი მოხარშული თევზი, ზეითუნის ზეთით შენელებული ბოსტნეულის სალათი, ყურძენი.
* მეხუთე დღე – საუზმე: ტოსტი და ხილის წვენი. სადილი: სპაგეტი მწვანილით, რამდენიმე ნაჭერი ანანასი. ვახშამი: სალათი (დაკონსერვირებული ლობიო, მოხარშული კვერცხი, ხახვი, მწვანილი), მთელმარცვლოვანი პურის ერთი ნაჭერი, ხილი.
* მეექვსე და მეშვიდე დღე – ნებისმიერი დღის მენიუს გამეორება.
წყარო
