ვახტანგ რჩეულიშვილი ჟურნალ ,,თბილისელებთან” 12 მარტს მიცემულ ინტერვიუში გუკა რჩეულიშვილთან ურთიერთობის შესახებ ჰყვება.
ვახტანგ რჩეულიშვილის თქმით, გუკას დედასთან განსაკუთრებული ურთიერთობა ჰქონდა. გუკას ყოველთვის სურდა, რომ მაია რჩეულიშვილი მის გვერდით ყოფილიყო.
,, გუკა ძალიან წყნარი ბავშვი იყო. არასდროს არ მიმიცია შენიშვნა, გარდა იმ პერიოდისა, ქუჩაში რომ გავიდა. მე და გუკა სულ ერთად ვიწექით, ვკითხულობდით. 5-6 წლის ასაკში თელავში მარტო დადიოდა ბაზარში. ძალიან დამოუკიდებელი იყო. მაიაც ასეთი იყო გუკასადმი. გუკამ უნდა იგრძნოს, რომ დედა მის გვერდითაა. არაჩვეულებრივი დედაშვილობა აქვს და ახლაც ყველაზე მეტად ერთმანეთის ამბავს განიცდიან. ცამეტი წლის იყო მაიამ რომ გააგდო – გადი ქუჩაში, ნუ ხარ სულ სახლშიო და მის შემდეგ არ შემოსულა. სულ ერთხელ მახსოვს გუკას მიმართ სერიოზული კონფლიქტი, მაშინ, როცა ,,კაიფი” დაიწყო. ტელევიზორიც კი გადავაგდე ფანჯრიდან, დავლეწე ყველაფერი”, – ამბობს ვახტანგ რჩეულიშვილი ,,თბილისელებთან” ინტერვიუში.
