„ეროვნულების“ ლიდერი სანდრო ბრეგაძე სოციალურ ქსელში ავრცელებს არაოფიციალურ ინფორმაციას, რომ ხელისუფლებამ გაითვალისწინა საზოგადოების აღშფოთება დიდგორის თემასთან დაკავშირებით და გადაწყვეტილება შეცვალა: „სასიხარულო ამბავი მაქვს. თქვენმა პროტესტმა შედეგი გამოიღო.დღეს შედგა თათბირი მთავრობაში და გადაწყდა, რომ არეულობის თავიდან ასაცილებლად, დაყვნენ ხალხის ნებას და დიდგორობა, როგორც სახალხო დღესასწაული, ისე აღნიშნონ. ამ დღეებში გამოვლენ ხელისუფლების ლიდერები და იტყვიან, რომ თურქეთი არაფერ შუაშია და მთავრობა ისედაც აპირებდა დიდგორობის აღნიშვნას. მოკლედ იმათ რაც უნდა ის თქვან,მთავარი შედეგია და ეს შედეგი ქართველების სასარგებლო იქნება.დიდი მადლობა ყველას ვინც თავისი აქტიური პროტესტით შეძლო ეს საქმე, მაგარი ხალხი ხართ ქართველებო,თქვენ გენაცვალეთ!“, წერს სანდრო ბრეგაძე.
