ეს პირები რუსული სპეცსამსახურების მიერ „დავერბოვკებულები“ იყვნენ და სხვადასხვა სახის საიდუმლო ინფორმაციას აგროვებდნენ. ასევე უკრაინის სამხრეთ და აღმოსავლეთ რეგიონებში დივერსიულ აქტებს გეგმავდნენ.
„საიდუმლო ქსელი რუსეთის შეიარაღებული ძალების მთავარმა სადაზვერვო სამმართველომ შექმნა. ჯგუფი საიდუმლო ინფორმაციას აგროვებდა, მათ შორის სამხედრო ობიექტებზე საბრძოლო ქვედანაყოფების განლაგების, მათი ბრძოლისუნარიანობის და გადაადგილების შესახებ. ქსელი უკრაინის კონტრდაზვერვამიგააუვნებელყო – განაცხადა უკრაინის უშიშროების სამსახურის ოფიციალურმა წარმომადგენელმა ალექსანდრე ტკაჩუკმა.
ასევე უკრაინის უშიშროების უწყება ინფორმაციას ავრცელებს რომ ჯგუფს ქალი ხელმძღვანელობდა, რომელმაც მომზადება ყირიმში, რუსეთის სპეცსამსახურების ერთ-ერთ ობიექტზე გაიარა.
ჩხრეკის დროს ამოღებულია ხელყუმბარები, პისტოლეტები, ასევე ასაფეთქებელი მოწყობილობები. დაკავებულებს წინასწარი პატიმრობა შეეფარდათ.
