ფეხბურთელი გიორგი დემეტრაძე რუსულენოვან გამოცემა Championat.com-თან ინტერვიუში მისი დაკავების ფაქტზე საუბრობს.
„ვეკითხებოდი მოსამართლეს. „ქალბატონო, ექვსი წლიდან ფეხბურთს ვთამაშობ, რა ქურდული ტრადიციები შეიძლება მქონდეს?". მისთვის კი სულერთი იყო. საქმეებს პერანგივით კერავდნენ, ყოველგვარი მტკიცებულების გარეშე.
მითხრეს, თითქოს თანხა „ქურდულ ობშიაკში" შემქონდა. კუპიურებზე კი თითების ანაბეჭდებიც არ აღმოჩნდა. ფული ჩამიდეს. ამის შესახებ მოსამართლესაც ვუთხარი: შეხედეთ ჩემს ჯიბეებს - ამხელა ფული როგორ ჩაეტეოდა? მან მიპასუხა: ხელში გეჭირა. - რა ხელში?", - ამბობს გიორგი დემეტრაძე.
