„ცემა და წამება ჩემ შემთხვევაში არ ყოფილა. ციხეში პოლიციელები პატივისცემით მეპყრობოდნენ. მეკითხებოდნენ, ეს როგორ მოგივიდაო. მაგრამ, მე ცნობილი ფეხბურთელი ვიყავი", - ამ სიტყვებით ფეხბურთელი გიორგი დემეტრაძე რუსულ საიტ Championat.com-თან ინტერვიუში ციხეში გატარებულ პერიოდს იხსენებს.
„აი სხვებს კი, უბრალოდ, სულს ხდიდნენ. აი, მიყავხარ დასაკითხად და ხედავ, როგორ სცემენ გისოსზე ხელბორკილით მიბმულ ადამიანს, სულ გასისხლიანებულს. საქართველოში უკანონობა მეფობდა, ქვეყანა წამების ადგილად იქცა. მაშინ მივხვდი, რომ ჯობს შენ გცემონ, ვიდრე ამ საშინელებას გვერდიდან უყურო", -იხსენებს გიორგი დემეტრაძე.
