პარლამენტარი ოთარ ჩრდილელი სოციალურ ქსელში აცხადებს, რომ ბოლო დროს რუსთავი-2-იდან ინფორმაციები ჟონავს: „ცუდად დაკეტილი ონკანივით: ჟონავს და ჟონავს რუსთავი2-დან ინფორმაციები. ჟონავს და ჟონავს... და საზღვარი არა აქვს, გვარამიას ფანტაზიას. როგორ მოახდინოს, კვირას აქციაზე ხალხის მობილიზება, აღარ იცის და ერთ-ერთ ვერსიად განიხილება: დღეს ღამით, არხის გათიშვა მოუფიქრებია. თავისივე გათიშული არხი, რა თქმა უნდა, მთავრობას უნდა დააბრალოს და შემდეგ დასცხოს ბუკი და ნაღარა - ხალხო გვიშველეთ, ტელევიზია გაგვიჩერესო! მერე კვირას აპირებს ჩართვას და ზარ-ზეიმს, ხელისუფლებამ უკან დაიხია და ისევ ჩაგვირთო არხიო... რა თქმა უნდა, ეს მხოლოდ გვარამიას ილუზიებია და არ აყვეთ მეგობრებო, თანამედროვე მიუნჰაუზენის ცუდ ასლს. არავის, არავის მმართველი გუნდიდან რუსთავი2-ის გათიშვა არ უნდა. მედიაზე ზეწოლა, მათ შორის ,,გათიშე და იბატონეს,, პრინციპით, სწორედ გვარამიას ხელწერაა... “, წერს ჩრდილელი.
ავტორ(ებ)ი : geotimes.ge
