"რუსთავი 2" -ის ადვოკატი დიტო საძაგლიშვილი ნიკა გვარამიას დაკავებას არ გამორიცხავს და აცხადებს, რომ უმრავლესობის ბოლოდროინდელი განცხადებები სწორედ ამ მიზნისკენ იყო მიმართული. როგორც საძაგლიშვილმა "პირველ რადიოსთან" საუბარში აღნიშნა, გვარამის დაკავება, რომელიც დღეს დაკითხვაზეა დაბარებული, გასაკვირი არ იქნება, რადგან "რუსთავი 2"-ის გაჩუმება ხელისუფლებამ ვერ შეძლო. მისივე თქმით, უმრავლესობის ლიდერის არჩილ თალაკვაძის დღევანდელი განცხადება, რომ ახველდიანი-გვარამიას საუბარი ავთენტურია, მხოლოდ შსს-ს პრესსამსახურის ინფორმაციას ეფუძნება. ადვოკატი ამბობს, რომ ავთენტურობის დამადასტურებელი დოკუმენტი მათ არ უნახავთ და არც მიუღიათ და ამის შესახებ მხოლოდ "იმედის" სიუჟეტიდან შეიტყვეს.
წყარო: pirveliradio.ge
