ერთი ადამიანი დაიღუპა და რამდენიმე ათეული დაშავდა კოლუმბიის დედაქალაქის ცენტრში მომხდარი აფეთქებისას.
ქალაქის მერის ინფორმაციით, გარდაცვლილი პოლიციის თანამშრომელი იყო. პოლიციელები დაშავებულთა შორისაც არიან.
დაშავებულთა მდგომარეობა მძიმეა, ისინი მრავლობითი დაზიანებებით ადგილობრივ საავადმყოფოში გადაიყვანეს.
წინასწარი ინფორმაციით, ასაფეთქებელი მოწყობილობა პოლიციის კორტეჟის სიახლოვეს აფეთქდა.
შემთხვევის ადგილზე მობილიზებულია პოლიცია, რომელიც ამ ეტაპზე ასაფეთქებელი მოწყობილობის ტიპს ადგენს.
