მოსწავლემ საატესტატო გამოცდაზე ზღვარი ვერ გადალახა და ფანჯრის შუშა თავით ჩაამტვრია

თბილისის #35 საჯარო სკოლაში ინციდენტი მოხდა, რომლის შედეგადაც, მოსწავლე დაშავდა. ინფორმაციას "აქცენტი" ავრცელებს.

როგორც სკოლის მოსწავლეებმა განაცხადეს, დამამთავრებელი კლასის ერთ–ერთი მოსწავლე ბიჭი სკოლის შიდა გამოცდებში ჩაიჭრა, შედეგის გაგების შემდეგ კი შენობის პირველ სართულზე ჩავიდა და ფანჯრის მინა თავით ჩაამტვრია.

მოსწავლის პროტესტს მხარი დანარჩენმა მოზარდებმაც აუბეს, თუმცა, სკოლის ადმინისტრაციამ სიტუაციის განმუხტვა შეძლო.

ამ დროისთვის არსებული ინფორმაციით, მომხდარის შესახებ შს სამინისტროში შეტყობინება არ შესულა.

/allmedia.ge