ქიბარ ხალვაშის ადვოკატი პაატა სალია ამბობს, რომ სტრასბურგის სასამართლოს გადაწყვეტილება სარჩელის იმ ნაწილმა გამოიწვია, სადაც საუბარია მოსალოდნელ ქაოსურ პროცესებზე და დემოკრატიის საფრთხეებზე. როგორც სალია ამბობს, გადაწყვეტილება უპრეცედენტო იმ შემთხვევაში იქნებოდა, თუ აღსრულების შეჩერება სტრასბურგის მიერ, დავის დასრულებამდე მოხდებოდა. ადვოკატი დარწმუნებულია, რომ გადაწყვეტილება საქართველოდან მასალების მიღების შემდეგ შეიცვლება. “უპრეცედენტო შეიძლება დავარქვათ იმ შემთხვევაში, თუ ეს შეზღუდვა გაგრძელდება სტრასბურგში სასამართლო დავის განხილვის ბოლომდე. ჩემი აზრით მოკლე ვადა შეგნებულად რის დაწესებული, ვინაიდან მოსამართლე გარკვეულწილად იმასაც აცნობიერებს, რომ შესაძლოა მხარის კანონიერ უფლებას ხელი არ შეეშალოს”,-განაცხადა პაატა სალიამ.
წყარო
