გურამ ჯაშს “დუბინკებით” შეიარაღებული ორი პირი დაესხა თავს - ყაჩაღობის სხვა დეტალები

leader.expressinfo.ge-ის ინფორმაციით. წუხელ, 21 თებერვალს, გვიან ღამით (დაახლოებით 24 საათზე), მსახიობი გურამ ჯაში ფეხით გადადიოდა მშრალ ხიდზე, ბრუნდებოდა სახლში. ამ დროს თავს დაესხა ორი ყაჩაღი, სავარაუდოდ, “დუბინკებით” შეიარაღებული. მათ სცადეს, გურამ ჯაშისთვის გაეხადათ ქურთუკი. წინააღმდეგობის გაწევის შემდეგ, თავში ჩაარტყეს “დუბინკა”, გათიშეს და გაიტაცეს საფულე, ტელეფონი და ბინის გასაღები. ასევე, ქურთუკიც.

პოლიცია შემთხვევის ადგილზე გამოცხადდა ოპერატიულად. საქმე აღიძრა ყაჩაღობის მუხლით. გურამ ჯაშს ღუდუშაურის კლინიკაში ჩაუტარდა თავის ქალის ოპერაცია, აქვს ტვინის შერყევა და დაუზიანდა საფეთქელიც.

ავტორ(ებ)ი : geotimes.ge