დაკავებულია ნაციონალური მოძრაობის ლიდერი!

აჭარის უმაღლესი საბჭოს წევრი ნაციონალური მოძრაობიდან ელგუჯა ბაგრატიონი ამ წუთებში აჭარის შს სამინისტროს სამმართველოში მიჰყავთ. სამართალდამცველებმა ის მას შემდეგ დააკავეს, რაც ბაგრატიონმა ბათუმი-ქობულეთის ცენტრალურ მაგისტრალზე ხის გადატანის გამო გადაკეტილ მოძრაობასთან დაკავშირებით, კომპანია ზიმოს ახსნა-განმარტებები და შესაბამისი დოკუმენტაციის წარდგენა მოსთხოვა. ამ ფაქტს კომპანიის წარმომადგენლებსა და უმაღლესი საბჭოს წევრს შორის სიტყვიერი დაპირისპირება მოჰყვა. შეგახსენებთ, რომ ბიძინა ივანიშვილის დენდროლოგიურ პარკში მაგნოლიას გადატანის პროცესი დღეს გამთენიისას დაიწყო, თუმცა უკვე რამდენიმე საათია ხე ბათუმი-ქობულეთის მაგისტრალზეა გაჩერებული, შესაბამისად ამ ტერიტორიაზე მოძრაობა გადაკეტილია.