ისეთი წარჩინებული სტუდენტები, როგორიც ნუცა იყო, უნივერსიტეტიდან მისი სახელობის დაფინანსებას მიიღებენ - ნანუკა ჟორჟოლიანი

ჟურნალისტი ნანუკა ჟორჟოლიანი სოციალურ ქსელში მაია ასათიანის ქალიშვილის შესახებ ინფორმაციას ავრცელებს და აცხადებს, რომ იმ უნივერსიტეტის  წარჩინებული სტუდენტები, სადაც ნუცა მახვილაძე სწავლობდა, მისი სახელობის დაფინანსებას მიიღებენ: "კიდევ ერთი ამბავი.ისეთი სტუდენტები, როგორიც ნუცა იყო, (მაღალი ქულებით) უნივერსიტეტიდან მიიღებენ მისი სახელობის დაფინანსებას. ქართველი სტუდენტების გადაწყვეტილებით კი (რომლებიც იმ უნივერსიტეტში სწავლობენ), ეზოში დაიდგმება მისი სახელობის ნატვრის ხე. ალბათ ყველამ წარმოიდგინეთ, როგორი გოგო იყო ნუცა, როცა თაობები მისი სახელობის დაფინანსებით განათლებას მიიღებენ პარიზის ამერიკულ უნივერსიტეტში", - წერს ნანუკა ჟორჟოლიანი.

ავტორ(ებ)ი : geotimes.ge