საფრანგეთში მცხოვრები ქართველი ექიმი, ქეთი ლობჟანიძე მაია ასათიანის გოგონას გარდაცვალებასთან დაკავშირებით "ფეისბუქში" წერს: "ჟურნალ-გაზეთებთან კომენტარს არ გავაკეთებ და ნუღარ მთხოვთ, არგუმენტებიც არ მაინტერესებს, ვერ დამითანხმებთ. ნუ არც ტელევიზიასთან, უბრალოდ მათ არ შემოუთავაზებიათ. სათქმელი ვთქვი გასაგებად, დასამატებელი არაფერია და ახლა სათითაოდ იგივეს გამეორება მედიასთან იქნება თემის გამოყენება, რასაც ორგანულად ვერ ვიტან. აიღეთ ის ინფო, რაც დავწერე. ისე, ამასაც არ დავწერდი, აბსურდული ჭორები რომ არ გაევრცელებინათ, როგორ გაიქცა ექიმი მენინგიტის ნიშნების დანახვაზე და იმ სიტყვებს აღარ გავიმეორებ, რაც აქაურმა საკმაოდ ცნობილმა ემიგრანტმა დაწერა სიკვდილის მიზეზად. დედის ემოციებზე მაინც იფიქრეთ, სანამ რაღაც სისასტიკეს გამოაცხობთ საქმეში ჩაუხედავები. მოკლედ, საკმარისი ვთქვი და ეს მართლა უკანასკნელი შეხებაა ამ თემასთან!" - წერს ქეთი ლობჟანიძე.
წყარო
